ဘယ်လိုလုပ်မလဲ ....


အသက်တချက်ရှုတိုင်း ...

ဖြစ်ပျက် တောင် မမှတ်နိုင်ပဲ .. နင့်ကိုပဲ လွမ်းနေတာ....။


ဘယ်လိုလုပ်မလဲ ...


အပြုံးတချက်တိုင်းမှာ ...

ဟန်တောင် မဆောင်နိုင်ပဲ ငါ့အချစ်တွေ နမော်နမဲ့ လဲလဲကျနေတာ ....

fall in love ဆိုတာ ဒါကိုခေါ်တာလား ......။


ဘယ်လိုလုပ်မလဲ ...


ငါ စိတ်ဆိုးနေရင် .. နင့်မျက်နှာကို ငါ မကြည့်ချင်ဘူး သိလား ....

နင့်ကို မြင်လိုက်ရတဲ့ခနတင် .. ငါ နင့်ကိုစိတ်ဆိုးနေကြောင်း ကိုယ့်ဘာသာ မေ့သွားတယ် ...။


ဘယ်လိုလုပ်မလဲ ...


ခုလည်း ငါ နင့်ကို သေလောက်အောင် လွမ်းနေပြန်ပြီ ....။


အမတ ငယ် 18 Feb 2012, 10:44 AM
ဘယ်လိုလုပ်ရမလဲဟင် ....

ဘယ်လိုလုပ်သင့်တယ်ဆိုတာ ကိုယ်သိပြီးသားပဲ ... ဒါပေမယ့်လေ ... ဘယ်လိုလုပ်ရမယ်ဆိုတဲ့ ဆုံးဖြတ်ချက်ကို မချရဲဘူး .... ။ ကိုယ် လက်မခံချင်ဘူး ....။

ကိုယ် အတားအဆီိး ခလုတ်ကန်သင်း နောက်ဆံတင်းစေမယ့် အရာ တခု မဖြစ်ချင်ခဲ့ပါဘူး ... ။ ဒါပေမယ့်လေ ... ကိုယ် လက်မလွှတ်လိုက်ရဲဘူး ... ။ ကိုယ် ကြောက်နေတယ် ... ။ အဲ့တာအဓိပ္ပါယ် မရှိဘူးဆိုတာလည်း ကိုယ်သိပါတယ် ... ။ ဘယ်လိုလုပ်ရမလဲကွယ် .... ။

တွေးလိုက်မိရုံ ခနလေးတောင် ကိုယ့်အတွက် ဆောက်တည်ရာမရ ဖြစ်နေခဲ့တာ ... ဒါပေမယ့် .... ဖြစ်ချင်တာထက် ဖြစ်သင့်တာက ပို ဦးစားပေးသင့်တယ်ဆိုတာ ... ကိုယ် နားလည်ပါတယ် ... ဒါပေမယ့်လဲ ကွာ ............

ကိုယ်သိပ်ကြောက်နေတယ် ... မယုံကြည်လို့လည်း မဟုတ်ရပါဘူး .... ဒါပေမယ့် ...ကိုယ် ကြောက် တယ် .....။

ဒီလောက် ဝေး နေရတာတောင် ထပ်ဝေးရဦးမလားကွယ် ... ကိုယ်သိပ် လောဘ ကြီးနေလား .. ကိုယ်သိပ် အတ္တကြီးနေလား .. ကိုယ်သိပ်ကို တကိုယ်ကောင်း ဆန်နေသလား .... ?????

ဒါဆို .. ကိုယ် သဘောထားကြီးပေးရမှာလား ... လောဘနည်းသင့်တယ်လား ... အတ္တမကြီးသင့်ဘူးပေါ့လေ .. ဟုတ်လားဟင် ... ။

ဒါ ... ကြိုးလေးတစ်ချောင်း ဆွေးမြေ့ပျက်ဆီးခြင်းရဲ့ အကြောင်းတရားတစ်ခု အစပျိုးတော့မှာဆိုရင်ရော ....

မသိတော့ဘူးကွယ် ... တကယ်ကို ကိုယ့်ဦးနှောက်က အလုပ်မလုပ်တော့ဘူး ...


ဦးနှောက်ကိုသိပ်သုံးလွန်းခဲ့လို့လားမသိပါဘူး .. ဒီတကြိမ်တော့ ကိုယ့်ဦးနှောက်က အလုပ်မလုပ်တော့ဘူးကွယ် ........... ။


အမတ ငယ် ၁၉.၀၂.၂၀၁၂ 1:44 PM

ရွက်ဟောင်းလေးရေ …

မခေါ်ပဲရောက်လာခဲ့တဲ့ မင်းကို ပြန်ပါလို့လည်း ငါ မပြောခဲ့ပါဘူးကွယ်..။


နုတ်မဆက်ချင်ပါဘူး ရွက်ဟောင်းလေးရယ် ….

ဒါပေမယ့် …

ငါကိုယ်တိုင်က သဘာဝကို လွန်ဆန်ခွင့်မှမရှိတာပဲ …။


အသစ်တို့အတွက် အဟောင်းတွေကြွေလွင့်ပေးရခြင်းလား

အဟောင်းတို့ကြွေလို့ အသစ်တို့ နေရာရလာခြင်းလား ဆိုတာ

ငါ ခုထိမသိသေးပေမယ့် ….

ရွက်ဟောင်းလေးရေ …..

မင်းလက်ကို ငါလွှတ်ရက်ခဲ့တာ မဟုတ်ရပါဘူး ……။


ဘာပဲဖြစ်ဖြစ် ….


နေ လေ မိုး .. ဘယ်အငြိုးနဲ့ပဲ ဆိုးဆိုး …

ညှိုးမျက်နှာ တချက်မပျက်ခဲ့တဲ့ မင်းရဲ့နေရာမှာ

ငါ့အတွက် သေရာပါ ဒဏ်ရာတခုကလွဲလို့ …. ဘယ် အသစ်မှ ဝင်ရောက်ခွင့် မရှိတာ …

မင်းသိစေချင်လိုက်တာ ရွက်ဟောင်းလေးရယ် ……။


အမတ ငယ် 08/02/2012 2:29 PM
 
အိမ်ဝေးနှင်းဆီ ရဲ့ အတ္ထုပတ္တိ. Template Design By: SkinCorner